Tuesday, May 1, 2012

Marinig ang katahimikan



Ang ganda ng gabi

Tahimik parang libingan
Payapa parang kanlungan
Alang ingay kaunti man
Naririnig ultimo kaluskos sa kalan
At hilik ng kapitbahay na sa tulugan

Payapang payapa
Parang alapaap
Na parang bulak
Bagsakan man ng babasagin
Sasaluhin
Alang ingay
Ni kalantog man lang

Paano ‘ko aantukin
Kung ito ang oras na may kapayapaan
Bakit ‘ko tutulugan
Ba’t sasayangin and pagkakataon
Na makarinig ng katahimikan?